၁၉၄၈ခုနှစ်တွင် လေကြောင်းပို့ဆောင်ရေး (UBA) ဘုတ်အဖွဲ့တစ်ခုကို တည်ထောင် ဖွဲ့စည်းခဲ့ပါသည်။ ၁၉၄၈ ခုနှစ် မှာပင် လေကြောင်းပျံသန်းမှုလုပ်ငန်း စတင်ဆောင်ရွက်ချိန်၌ ပြည်တွင်း လေယာဉ်ခရီးစဉ် ပျံသန်းမှုကို ခရီးသည် (၉)ယောက်စီး ဂျိုးဖြူလေယာဉ် (၆)စီးဖြင့် ဆောင်ရွက်ခဲ့ရာ ရှေးဦးစွာ ပြည်တွင်းလေဆိပ်မြို့ (၁၉)မြို့ သို့ ဆက်သွယ် ပျံသန်းခဲ့ပါသည်။ ၁၉၅၀ခုနှစ်တွင် ပြည်ပခရီးစဉ်များ အဖြစ် ဘန်ကောက်၊ ကာလကတ္တားနှင့်စစ်တကောင်းမြို့များသို့ တိုးချဲ့ ပျံသန်းခဲ့ပါသည်။

၁၉၅၂ခုနှစ်တွင် လေကြောင်းပို့ဆောင်ရေးအဖွဲ့အဖြစ် အက်ဥပဒေပြဋ္ဌာန်းချက်ဖြင့် ပြောင်းလဲဖွဲ့စည်းခဲ့ပါသည်။ ပြည်ပနိုင်ငံများသို့ တိုးချဲ့ ပျံသန်းမှုအစီအစဉ်အရ ၁၉၅၃ခုနှစ်တွင် ပီနန်၊ စင်ကာပူနှင့် ခတ္တမန္ဒူ မြို့များသို့ စတင်ပျံသန်းဆက်သွယ်နိုင်ခဲ့ပါသည်။

၁၉၇၂ခုနှစ်တွင် နိုင်ငံတော်အုပ်ချုပ်ရေးစနစ်သစ် စတင်သည့်အချိန်မှစ၍ ပြည်ထောင်စု မြန်မာနိုင်ငံ လေကြောင်းသယ်ယူပို့ဆောင်ရေးအဖွဲ့မှ လေကြောင်းပို့ဆောင်ရေး ကော်ပိုရေးရှင်း(BAC ) အဖြစ် ပြောင်းလဲ ဖွဲ့စည်းခဲ့ပါသည်။

၁၉၈၉ခုနှစ်တွင် မြန်မာလေကြောင်းအဖြစ် ပြန်လည်ဖွဲ့စည်းခဲ့ပြီး အမှတ်အသားတံဆိပ် အသစ်ကို စတင်အသုံးပြု ခဲ့ပါသည်။ ပြည်ပခရီးစဉ်များအဖြစ် ဘန်ကောက်၊ စင်ကာပူ၊ ခတ္တမန္ဒူ၊ ဒက္ကာ၊ ဟောင်ကောင်၊ ဂျာကာတာ ခရီးစဉ်မြို့များသို့ ၁၉၉၃ခုနှစ် သြဂုတ်လ ၁၅ရက် အထိ ပျံသန်းခဲ့ပါသည်။

ယခုအချိန်တွင်မြန်မာ့လေကြောင်းသည်ပြည်တွင်းခရီးစဉ်များကိုသာပျံသန်းပြေးဆွဲပေးလျက်ရှိပါသည်။